في يوم زي ده… فيه أمهات بيحضنوا ولادهم، وبيتكلموا معاهم، وبيطمنوا عليهم.
لكن د. ليلى سويف، أم مصرية، قضّت آخر شهور حياتها في إضراب عن الطعام علشان ابنها، مش علشان تطلب رفاهية… لكن علشان يخرج من زنزانة بقاله فيها أكتر من 5 سنين ظلم.
211 يومًا من الإضراب، 155 يوم منهم كانت امتناع كلي عن الأكل، والباقي 63 يومًا بتعيش على 300 سعر حراري بس فـ اليوم!
كل ده علشان ابنها علاء عبد الفتاح، اللي بيقضي حاليًا يومه الـ66 من إضرابه الثالث داخل السجن، رغم إنه المفروض كان خرج من شهور.
في يوم الأسرة، بنفتكر أم قاعدة على الأرض قدام السجون بالشهور، أم اتمنعت من حضن ابنها حتى في الزيارة، أم بتحارب بجسم ضعيف وهزيل لكن قلبها ما استسلمش.
تحية لـ ليلى سويف…
تحية لكل أم في السجون أو على بوابها، مستنية خبر يطمنها…
وفي اليوم ده، بنقول:
مافيش عدل من غير حرية… ومفيش أسرة بتكتمل وهي ناقصة حد.
#اليوم_العالمي_للأسرة
#مؤسسة_عدالة_لحقوق_الإنسان